Энхтайваны гүүрнээс согтуу жолооч автомашинтайгаа унасан осол гарчээ

Цагдаагийн байгууллагад энэ оны 06 дугаар сарын 16-ны өдрийн 06.00 цагийн орчимд ХУД-ийн 2 дугаар хороо Энхтайваны гүүрэн дээрээс машин унасан гэх дуудлага мэдээлэл бүртгэгджээ.

Дуудлагын дагуу шалгахад Toyota Alphard маркийн тээврийн хэрэгслийн жолооч нь согтуугаар тээврийн хэрэгсэл жолоодож яваад гүүрнээс автомашинтайгаа унаж гэмтсэн байна.

Тухайн жолоочийн согтолтын зэрэг 1.38 байжээ. Одоогоор ослын шалтгаан нөхцөлийг тодруулах ажиллагаа үргэлжилж байна.