Эрчим хүчээр ажилладаг ус өргүүр суулгаснаар бэлчээрийн усан хангамж нэмэгджээ

Өмнөговь аймаг малчдын хөдөлмөрийг хөнгөвчлөх, бэлчээрийн усан хангамжийг нэмэгдүүлэх зорилгоор 2013 онд нарны эрчим хүчээр ажилладаг ус өргүүр суурилуулах ажлыг Ханхонгор, Сэврэй сумдад туршин эхлүүлсэн юм.

Уг төхөөрөмж нь мал аж ахуй, газар тариаланг хослон эрхлэхэд үр дүнтэй бөгөөд цаг наргүй ажилладаг малчин иргэдийн хөдөлмөр, цаг хугацааг хэмнэсэн, хямд зардлаар малаа ч, ногоогоо ч услах боломжтой чухал төхөөрөмж болох нь нотлогдсон. Тиймээс 2015 онд 15 сумын 29 инженерийн хийцтэй худагт уг төхөөрөмжийг суурилуулах ажлыг “Сэргээгдэх эрчим хүчний үндэсний төв”, “Ундарга-Өмнөговь” ХК-уудтай гэрээ байгуулан хэрэгжүүлсэн. Энэхүү ажлын үр дүнд бэлчээрийн усан хангамж 38-42.5 хувьд хүрээд байгаа ажээ.