"Эрдэмтдийн лекц"-ийг зохион байгуулж эхэллээ
БЗД-ийн 12 дугаар ангийн сурагчдад зориулан "Физикийн шинжлэх ухаан гэж юу вэ, түүний ач холбогдол" сэдвээр лекц унших ажээ.
Мэдээллийн алба
Монгол Улсын ШУА, Нийслэлийн боловсролын газартай хамтран ажиллах санамж бичгийн хүрээнд өнгөрсөн хичээлийн жилд олон ажлыг хамтран зохион байгуулсан. Энэ хичээлийн жилд сурагчдад зориулан "Эрдэмтдийн лекц"-ийг зохион байгуулж эхлээд байна.
Тодруулбал, энэ сарын 10-нд Монголын анагаах ухааны академийн ЭНБД, ШУ-ны доктор Б.Бурмаажав СХД-ийн “Ирээдүй” цогцолбор сургуулийн сурагчдад зориулан "Агаарын бохирдол-Эрүүл мэнд" сэдвээр лекц уншсан юм.
Дараагийн лекц энэ сарын 16-ны өдөр “Оюунлаг” сургуульд болох бөгөөд ШУА-ийн ФТХ-ийн доктор Ч.Содбилэг БЗД-ийн 12 дугаар ангийн сурагчдад зориулан "Физикийн шинжлэх ухаан гэж юу вэ, түүний ач холбогдол" сэдвээр лекц унших ажээ.
