“Эрдэнэт” үйлдвэр металл хийц гадаадаас авахгүй

Уулын баяжуулах “Эрдэнэт” үйлдвэрийн ерөнхий захирлын тушаал гарч, тус үйлдвэрт хэрэгцээтэй марганцтай ган, үрэлтэд тэсвэртэй ширмэн бүтээгдхүүнийг гадаадаас авахыг хоригложээ.

Засвар механикийн заводын бүтээгдэхүүн үйлдвэрлэлийг нэмэгдүүлэх, дотоодын үйлдвэрээ дэмжих зорилгоор ингэж шийдвэрлэсэн байна.

Мөн импорт орлох бүтээгдэхүүн үйлдвэрлэхэд шаардлагатай түүхий эд, материалыг саадгүй нийлүүлэх асуудлыг материал техникийн хангамжийн хэлтэст хариуцуулжээ.