“Эрэл цемент” үйлдвэрийн ажилтнууд цалингаа нөхөж авахаар болжээ

Энэ он гарсаар Дарханы “Эрэл цемент” үйлдвэрийн ажилтнууд дөрвөн сар цалингүй ажилласан аж. Тэд ҮЭ-ийн хороогоороо дамжуулан Эрэл группийн төлөөлөн удирдах зөвлөлд ажил хаях тухай мэдэгдэл хүргүүлжээ. Эрэл группийн ТУЗ-ийн дарга н.Эрдэнэбат газар дээр нь очиж ажилтнуудтай уулзан нааштай тохиролцоонд хүрсэн байна. Тэдэнд өнөөг хүртэл олгогдоогүй байгаа дөрвөн сарын цалингийн хагасыг тавдугаар сард багтаан олгох, үлдэгдэл цалинг зургаадугаар сард өгөхөөр болсон бөгөөд цаашид цаг хугацаанд нь цалин тавихаар тохиролцсон байна.