"Эртэч дипломатч" уулзалтын зочноор Гадаад харилцааны сайд Ц.Мөнх-Оргил оролцлоо

Залуу дипломатчдын клубаас зохион байгуулсан “Эртэч дипломат” хоёр дахь удаагийн уулзалт амжилттай боллоо. Уулзалтад Улсын Их Хурлын гишүүн, Гадаад харилцааны сайд Ц.Мөнх-Оргил оролцож, Гадаад харилцааны яамны залуу ажилтнуудтай сонирхолтой яриа өрнүүлжээ.

Энэ үеэр Сайд Ц.Мөнх-Оргил өөрийн залуу нас, ажлын туршлага, дурсамжаас залуустай хуваалцаж, өөрийгөө хөгжүүлэх, ур чадвараа дээшлүүлэхэд тогтмол анхаарч ном унших дадлыг өөртөө төлөвшүүлэх болон зорилго, зарчмаасаа ухралгүй тууштай байх нь “амжилт”-ын түлхүүр болохыг зөвлөлөө.