Эртний хотод гал гарав

БНХАУ-ын Юннань мужид орших мянга гаруй жилийн настай эртний Төвдийн хот болох Дүкөзон хотод гал гарч 100 гаруй барилга байшин үгүй болжээ. Тус хотод гал шөнийн 01:27 цагт гарч 10 цагийн турш үргэлжилсэн галыг 2000 гаруй хүн унтраахаар ажилласан боловч гал хэтэрхий их авалцаж байсан нь ийн хохирол амсахад хүргэсэн аж. Энэхүү хотыг 2001 онд Шангри-Ла болгон нэрийг нь өөрчилжээ.