Ерөнхий боловсролын 31 дүгээр сургуулийн өргөтгөлийг ашиглалтад орууллаа

Сургууль, цэцэрлэгийн чанар хүртээмжийг нэмэгдүүлэх, сурагчдыг ая тухтай орчинд боловсрол эзэмшүүлэх, багш ажилчдын ажиллах орчин нөхцөлийг сайжруулах зорилгоор бүтээн байгуулалтын ажлууд үргэлжилж байна.

Тухайлбал, Сүхбаатар дүүргийн 2 дугаар хороо, Ерөнхий боловсролын 31 дүгээр сургуулийн 420 хүүхдийн суудалтай өргөтгөлийг ашиглалтад орууллаа.

Энэ сургууль 2306 суралцагчтай, хоёр ээлжээр хичээллэдэг юм.

Тус сургууль нь үндсэн хоёр давхар барилга байсан бөгөөд ахин нэг давхар нэмж, гурван давхар болгон өргөтгөсөн юм.

Нийт 17 хичээлийн анги танхим, хурлын өрөө, багш, сурагчдын ариун цэврийн өрөө болон бусад өрөө тасалгааг тохижуулжээ.

Сургуулийн өргөтгөл ашиглалтад орсноор хамран сурах тойргийн суралцагчдыг бүрэн хамруулах боломжтой боллоо.