Ерөнхий сайд У.Хүрэлсүх соёл, урлагийн салбарынхантай уулзалт хийлээ

Монгол Улсын Ерөнхий сайд Ухнаагийн Хүрэлсүх өнөөдөр /2020.09.28/ Соёлын яамны үйл ажиллагаатай танилцах үеэр Соёлын яамны удирдлага, соёл, урлагийн салбарынхантай уулзалт хийлээ.

Тэрбээр дараах үүрэг, чиглэлийг өгсөн юм.

Үүнд:

-Соёлын үйлчилгээг шинэ шатанд гаргах;

-Цахим соёлын сан бий болгох;

-Гадны соёлын сөрөг нөлөөллөөс иргэд, олон нийтээ хамгаалах, Үндэсний соёл урлагаа хөгжүүлэх, Оюун санааны тусгаар тогтнолоо үл алдах;

-Соёл, урлагаа эдийн засгийн эргэлтэнд оруулах;

-Соёл, урлагийн чадварлаг хүний нөөцийг бэлтгэх;

-Соёлын үнэт зүйлийг бүтээн туурвигч, өвлөн уламжлагчийг төрийн халамжинд байлгах;

-Нүүдлийн соёл, урлагт тулгуурласан брэнд бий болгох;

-Өрсөлдөх чадварыг нэмэгдүүлэх;

-Хүүхэд багачууд руу чиглэсэн соёл, урлагийн асуудлыг анхаарч үзэх, чанаржуулахыг үүрэг болголоо гэж Соёл, урлагийн газраас мэдээллээ.