Ерөнхий сайдын мэдээлэл хойшиллоо

Ерөнхий сайд Ч.Сайханбилэг өнөөдөр УИХ-ын нэгдсэн чуулганы хуралдаанд оролцож Татварын эрх зүйн орчин, цаашид авах арга хэмжээний талаар мэдээлэл хийх байсан боловч хойшлогджээ. Засгийн газрын тэргүүний мэдээлэл хийхээ хойшлуулсан шалтгаан нь тодорхойгүй байгаа бөгөөд хэзээ мэдээлэл хийх талаар ч мөн тодорхой мэдээлэл алга байна.

Ерөнхий сайдын мэдээлэл хойшлогдсон учраас чуулганы хуралдааныг мөн хойшлуулж 15:00 цагаас зарласан боловч одоогоор эхлээгүй байна. Чуулганаар Аюулгүй байдал, гадаад бодлогын байнгын хороо болон Эдийн засгийн байнгын хороогоор хэлэлцсэн Монгол Улсын эдийн засаг, нийгмийг 2014 онд хөгжүүлэх үндсэн чиглэлийн хэрэгжилтийн талаар хэлэлцэх юм.