Ерөнхийлөгч чуулганд Ч.Сайханбилэгийг Ерөнхий сайдад томилох саналыг танилцуулж байна

Чуулганы нэгдсэн хуралдаан эхэллээ. Өнөөдрийн чуулганы хуралдаанаар хэлэлцэх хамгийн эхний асуудал нь Засгийн газрын тэргүүнийг томилох тухай юм.

УИХ-ын гишүүн Ч.Сайханбилэгийг Монгол Улсын Ерөнхий сайдад нэр дэвшүүлэх саналыг Ардчилсан намын ҮЗХ-оос гаргаж үүнийг нь УИХ дахь АН-ын бүлэг дэмжсэн.

Хуулийн дагуу Засгийн газрын тэргүүнд томилох гишүүнийг Ерөнхийлөгч соёрхож өчигдөр УИХ-д өргөн мэдүүлсэн юм. Үүний дараа өчигдөр үдээс хойш Төрийн байгуулалтын байнгын хороо хуралдаж Ч.Сайханбилэгийг Ерөнхий сайдад томилохыг 100 хувь дэмжсэн.

Ийнхүү чуулганаар Ерөнхий сайдын асуудлыг хэлэлцэж байна. Хуралдааны эхэнд УИХ-ын дарга З.Энхболд өнөөдөр болон маргааш чуулганы хуралдаанаар хэлэлцэх 14 хуулийн төслийг танилцууллаа. Яг одоо Ерөнхий сайдыг томилох тухай саналыг Монгол Улсын Ерөнхийлөгч Ц.Элбэгдорж танилцуулж байна.