Ерөнхийлөгч Х.Тэмүүжин сайдыг өмөөрчээ

Хууль зүйн сайд Х.Тэмүүжин сайдын суудалдаа үлдэх эсэх нь тун эргэлзээтэй болсон энэ үед АН-ын гишүүд түүнийг өмөөрөхгүй байгаа талаар тэрээр гомдоллосон.

Өчигдөр болсон Хууль зүйн байнгын хорооны хуралдаан дээр байнгын хороонд суудалтай АН-ын есөн гишүүний олонх нь түүнийг огцруулахад санал нэгдсэн. Энэ талаараа сайд өөрийн твиттер хуудсандаа үзэл бодлоо илэрхийлээд амжсан.

Харин өнөө өглөө Ерөнхийлөгч Ц.Элбэгдорж өөрийн твиттер хуудсандаа нэг зүйл жиргэсэн нь хүмүүсийн анхаарлыг татаж байна. Тэрээр өөрийн цахим хуудсандаа "Х.Тэмүүжинд ноцтой алдаа дутагдал бий. Харин энэ Засгаас эхлэж огцруулах сайд биш. Тэр алдаа дутагдлаа засч, сургамж авах чадвартай гэж итгэе" хэмээн бичжээ.