Ерөнхийлөгч Ц.Элбэгдорж НҮБ-ын Ерөнхий Ассамблейн чуулганд оролцож байна

Нью-Йорк хотноо болж байгаа НҮБ-ын Ерөнхий Ассамблейн 69 дүгээр чуулганд Монгол Улсын Ерөнхийлөгч Цахиагийн Элбэгдорж оролцож байна. Чуулган энэ сарын 16-наас ирэх сарын нэгэн хүртэл үргэлжлэх юм.

Чуулганы үеэр Монгол Улсын Ерөнхийлөгч Элбэгдорж “Уур амьсгалын өөрчлөлтийн асуудлаарх дээд хэмжээний уулзалт”, “Хүн ам, хөгжлийн асуудлаарх НҮБ-ын Ерөнхий Ассамблейн 29 дүгээр тусгай чуулган”, “Уугуул иргэдийн асуудлаарх НҮБ-ын Ерөнхий Ассамблейн өндөр түвшний бүгд хурал” зэрэг олон улсын хэд хэдэн уулзалт, арга хэмжээнд оролцохоос гадна бусад улс, олон улсын байгууллагын тэргүүн нартай хоёр талын уулзалт хийхээр төлөвлөсөн байна.