Ерөнхийлөгч Ц.Элбэгдорж саналаа өглөө
Тэрбээр нийслэлийн Сүхбаатар дүүргийн 3 дугаар хорооны 1951 дэх хэсгийн хороонд очиж саналаа өгсөн юм.
Мэдээллийн алба
Монгол Улсын Ерөнхийлөгч Ц.Элбэгдорж гэргий Х.Болормаагийн хамт дүүргийн ИТХ-ын төлөөлөгчийг сонгох саналаа өглөө. Тэрбээр нийслэлийн Сүхбаатар дүүргийн 3 дугаар хорооны 1951 дэх хэсгийн хороонд очиж саналаа өгсөн юм.
Ерөнхийлөгч саналаа өгснийхөө дараа иргэдэд хандаж “Сум, дүүргийн ИТХ-ын төлөөлөгч гэдэг бол иргэдэд хамгийн ойр байдаг хүмүүс. Тиймээс иргэд сонгогчид маань сонгуульдаа идэвхитэй оролцож саналаа өгөөрэй” гэсэн юм.
Нэмж мэдээлэхэд, Нийслэлийн Сүхбаатар дүүргийн 3 дугаар хорооны 1951 дэх хэсгийн хороонд хоёр мандатын төлөө таван хүн өрсөлдөж байна. Санал хураалт эхэлснээс хойш 13:00 цаг хүртэл нийт 270 гаруй хүн саналаа өгсөн байна.
