Ерөнхийлөгчийн айлчлал өндөрлөлөө

БНАСАУ-ын Ардын дээд хурлын тэргүүлэгчдийн дарга Ким Ён Намын урилгаар тус улсад төрийн айлчлал хийсэн Монгол Улсын Ерөнхийлөгч Ц.Элбэгдорж болон дагалдан яваа хүмүүсийн хамт тусгай онгоцоор нутаг буцлаа.

БНАСАУ-ын Гадаад харилцааны сайд Пак Ы Чун, Гадаад худалдааны сайд Ри Рён Нам, Солонгосын Ардын армийн Жанжин штабын дэд дарга О Кум Чоль, Биеийн тамир болон спортын сайд Сон Кван Хо, Газрын болон тэнгисийн тээврийн дэд сайд Квак Иль Рен, БНАСАУ-аас Монголд суугаа Элчин сайд Хон Гю, Гадаад улсуудтай соёлоор харилцах Солонгосын хорооны дэд дарга, БНАСАУ-Монголын Найрамдлын холбооны дарга Ким Жин Бом, албаны бусад хүмүүс болон тус улс дахь Монголын ЭСЯ-ны ажилтнууд Ерөнхийлөгч Ц.Элбэгдоржийг нисэх буудлаас үдэн гаргав. Монгол Улсын Ерөнхийлөгч үдэж гаргасан албаны хүмүүст сайн сайхныг хүссэн байна.