”Эрүүл элэг” үндэсний хөтөлбөрийг танилцуулна

Монголчуудын өмнө тулгамдаад байгаа нэн чухал асуудал нь элэгний хавдар, элэгний өвчлөл юм. Нас баралтын тэргүүлэх шалтгаанд ч элэгний өвчлөл нөлөөлж байна.

Сүүлийн үеийн судалгаагаар монголчуудын 15 хүртэлх хувь нь С вирустэй гэж оношлогджээ. Энэ тоо нь монголчуудыг элэгний өвчлөлөөр дэлхийд дээгүүрт ороход хүргээд буй юм. Тиймээс "Эрүүл элэг" Үндэсний хөтөлбөрийг Монгол орон даяар зохион байгуулахаар болжээ.

"Оном сан" ТББ-аас зохион байгуулж буй Монгол орон даяар явагдах “Эрүүл элэг” үндэсний хөтөлбөрийн талаарх хэвлэлийн бага хурал өнөөдөр 11.00 цагт MN мэдээллийн төвд болох юм.

Хуралд “Оном сан”-гийн удирдлагууд болон АШУИС-ын Халдвартын тэнхимийн багш, АУ-ны доктор, профессор Я.Дагвадорж, АУ-ны докторант Д. Бэхболд нар оролцож мэдээлэл өгнө.