Эрүүл мэндийн боловсрол олгох “соёлын довтолгоо” хийнэ

Эрүүл мэндийн яам энэ жил “соёлын довтолгоо” хийхээр болжээ. Тодруулбал, иргэдэд эрүүл мэндийн боловсрол олгох зорилгоор шаталсан сургалт, сурталчилгааны ажлыг хийх юм.

Уг ажилд зарцуулахаар Эрүүл мэндийг дэмжих санд 4.1 тэрбум гаруй төгрөг байршуулсан байна. Түүний 70 орчим хувийг нь эрүүл мэндийн боловсрол, сургалт сурталчилгаанд зориулахаар сум, дүүргийн эрүүл мэндийн байгууллагуудад шилжүүлэх аж.