Эрүүл мэндийн сайд СХД-ийн эмнэлэгт ажиллав

Шинэ засгийн газрын сайдууд салбарынхаа үйл ажиллагаатай танилцаж эхэллээ. Эрүүл мэндийн сайд А.Цогцэцэг өнөөдөр Улаанбаатар хотын хүн ам ихтэй, алслагдмал Сонгинохайрхан дүүргийн нэгдсэн эмнэлгийн нөхцөл байдалтай танилцав.

Тэрбээр эхлээд хүүхдийн эмнэлэг, яаралтай түргэн тусламжийн төвийн үйл ажиллагаатай танилцсанбөгөөд энэ хоёр хэсгийг тохиолдлоор сонгоогүй, цаашдын голлож анхаарах үндсэн чиглэл гэв. Хүүхдийн эмнэлгийн хувьд шаардлагатай тоног төхөөрөмжөөр хангах, эмч мэргэжилтэнүүдийн орон тоог нэмэх, чадавхжуулах талд анхаарч ажиллана гэв.