Эрүүл мэндийн яаманд (COVID-19) халдварыг 15 минутад илрүүлэх оношлуурыг хандивлалаа

Монголын эмнэлгийн инженерчлэлийн нийгэмлэгийн гишүүд, эрүүл мэндийн салбарт ажиллаж байгаа эмнэлгийн тоног төхөөрөмжийн инженер, техникчдийн хандиваар коронавируст халдвар (COVID-19)–ыг эрт илрүүлэх түргэвчилсэн оношлуур 275 ширхэгийг Эрүүл мэндийн яаманд гардуулж өглөө.

Энэхүү тестийг цус болон ийлдэст үзэх бөгөөд үр дүн нь 10-15 минутад гардаг, 98.8 хувийн мэдрэг чанартай, вирусын халдвар нь цусанд орсон буюу халдвар аваад 4-13 хоног болон 13-30 хоногтой тохиолдолд шинжилгээ хийж, мэдрэг чанарыг нь тодорхойлох боломжтой юм байна.