Эрүүл мэндийн зөвлөгөө үнэ төлбөргүй өгнө

ХДХВ/ДОХ-ын өдрийг угтан хүн амд эрүүл мэндийн тусламж үйлчилгээг ойртуулах, ХДХВ-ийн халдвар илрүүлэх “Сайн Дурын Зөвлөгөө, Шинжилгээ”-г сурталчлах зорилгоор алслагдсан хороонд амьдарч буй иргэдэд явуулын “Сайн Дурын Зөвлөгөө, Шинжилгээ”-ний үйлчилгээг өнөөдөр зохион байгуулахаар болжээ.

Тус үйлчилгээ 10.00-16.00 цагийн хооронд 23-р хороо Гурван санчир өрхийн эрүүл мэндийн төвд болох аж.

Сайн дураараа, ирсэн хүн бүрт үйлчлэх бөгөөд үнэ төлбөргүй, бичиг баримт шаардахгүй бөгөөд судасны цус авч, газар дээр нь түргэвчилсэн аргаар шинжлэн хариуг гаргаж зөвлөгөө өгөх юм.