"Эрүүл зан үйлд суралцацгаая" сэдэвт өдөрлөг боллоо

П.Н.Шастины нэрэмжит Улсын гуравдугаар төв эмнэлгийн зөвлөх поликлиникээс "Эрүүл зан үйлд суралцацгаая" сэдэвт өдөрлөгийг өчигдөр амжилттай зохион байгууллаа.

Өдөрлөгөөр “Зүрх судасны өвчнөөс урьдчилан сэргийлэх тухай” болоод зүрхэнд тустай хоол хүнс, “Зүрх судасны өвчний үеийн эмчилгээний хоол бууцайны саладыг хялбар аргаар хэрхэн хийх вэ" бодит үзүүлэн сургалт, амталгаа, “Антибиотикийг жорын дагуу хэрэглэе”, “Антибиотикийн даслаас урьдчилан сэргийлье” сэдэв сургалт, зүрх судасны үйл ажиллагааг дэмжих дасгал, цусны даралт хэмжих, БЖИ тодорхойлох, үйлчлүүлэгч бүрт тохирсон ганцаарчилсан зөвлөгөө өгөх зэрэг цогц сургалтыг зохион байгуулсан байна.