Есдүгээр сарын нэгэн ерөөсөө бидний баяр

Эрдэм мэдлэгийн их өргөөний хаалгыг анхлан татаж байгаа мянга мянган сурагчид, ангийнхныгаа санасан арван жилийн сурагчид, их эрдмийн аянд дөрөө харшуулсан оюутан, залуус өнөөдөр сургуулиа зорин ирлээ.

Манай сайтын сурвалжлах хэсэг нийслэлийн нэгдүгээр сургуулийн нээлтээс дараах сурвалжлагыг бэлтгэлээ. Тэнд УИХ-ын дарга М.Энхболд тэргүүтэй албаны хүмүүс болон эцэг, эх, сурган хүмүүжүүлэгчид цугларсан байв.

Арван жилийн сургуулийн босгыг анхлан алхаж буй сурагчдын зарим нь хөөр баясал болж байсан бол зарим нь аав, ээж, өвөө, эмээгээ хормойдон “Үлдэхгүй” хэмээн уйлж байлаа.

Уншигч танд фото сурвалжлагыг хүргэе.