Есөн давхраас унах гэж байсан бага насны хоёр хүүхдийг аварлаа

Нийслэлийн Баянгол дүүргийн 6 дугаар хороо Улаанбаатар паласын зүүн талд орон сууцны есөн давхраас бага насны хоёр хүүхэд унах эрсдэлтэй байна гэсэн дуудлагаар нийслэлийн Онцгой байдлын газрын Аврах ангийн алба хаагчид өчигдөр өдрийн 11:12 цагт 7 км замыг туулан 11:20 цагт очиход 15 настай эгчийгээ дэлгүүр явсан хойгуур таван настай хүү, гурван настай охин гэртээ харгалзах хүнгүй, цонхоор унах гэж байсныг 20 минут ажиллаж аюулгүй болгон эгч А, тус дүүргийн Цагдаагийн 2 дугаар хэлтсийн эргүүлийн офицерт хүлээлгэн өглөө.

Бага насны хүүхдэд тавих хараа хяналтыг сулруулахгүй байхыг Нийслэлийн Онцгой байдлын газраас онцгойлон анхааруулж байна.

Эх сурвалж: НОБГ