Есөн давхрын цонхоор унах гэж байсан 6 настай охиныг аварчээ

"Сонгинохайрхан дүүргийн 12 дугаар хорооны Угсармал есөн давхар байрны есдүгээр давхрын цонхоор бага насны хүүхэд унах гээд байна" гэсэн дуудлагыг өчигдөр 20:19 цагт хүлээн авсан байна.

Нийслэлийн Онцгой байдлын газрын Аврах ангийн найман алба хаагч, хоёр автомашинтай очиж тус хорооны тавдугаар байрны ... тоотод оршин суугч зургаан настай Ч охиныг аварч, Цагдаагийн гуравдугаар хэлтсийн жижүүрийн бүрэлдэхүүнд шилжүүлэн өгчээ.