Эцэг эхчүүд амарч, зугаалахдаа бага насны хүүхдийг хараа хяналтгүй орхихгүй байхыг анхаарууллаа

07 дугаар сарын 25 ны өдөр Сэлэнгэ аймгийн Алтанбулаг сумын нутагт байдаг Гүннуурын усанд 5 настай хүүхэд золгүй байдлаар осолдсон дуудлагаар Онцгой байдлын газрын аврагчид ослын газар ажиллан цогцосыг гарган цагдаагийн байгууллагад хүлээлгэн өгсөн байна.

Иймд иргэд, эцэг эхчүүд гол нуурын эрэг дагуу амарч, зугаалахдаа бага насны хүүхдийг хараа хяналтгүй эрэг дагуу болон усан дотор явуулахгүй байх, согтууруулах ундааны зүйл хэрэглэсэн үедээ гол нуурын усанд орохгүй байхыг Онцгой байдлын газраас анхааруулж байна.