Филиппины ерөнхийлөгч босогчидтой хэлэлцээр хийнэ

Энэ сарын 14-нд Филиппины дэд ерөнхийлөгч Хехомар Бинаи олон арван хүнийг барьцаалсан “Үндэсний чөлөөлөх моро фронт”-ын босогчидтой хэлэлцээр хийхээр улсынхаа өмнө зүгт орших Замбоанга хот руу явжээ. Өмнө нь гал зогсоох төлөвлөгөөг лалын босогчдын тэргүүн Нуру Мисуари, Филиппины БХ-ын тэргүүн Вольтер Газминд өгч байжээ. Тав хоногийн дотор Замбоангийн тулалдаанд 52 хүн амь үрэгдэж, 70 хүн шархадсан байна.

“Үндэсний чөлөөлөх моро фронт” нь Филиппины лалын өмнө зүгийн тосгодын тусгаар тогтнолын төлөөх дайныг 25 жилийн турш явуулж байгаа юм.