Физикийн салбарын Нобелийн шагналтнууд тодорлоо

Эдинбургийн их сургуулийн Питер Хиггс болон Брюсселийн их сургуулийн Франсуа Энглерт нар физикийн салбарын Нобелийн шагналтнаар тодорлоо. Тэд Хиггсийн бозон гэж байдгийг урьдчилан таамагласан бөгөөд 1964 онд тус тусын эрдэм шинжилгээний ажлаар дэвшүүлжээ. Харин өнгөрсөн оны долдугаар сард Швейцарьт төвтэй, Европын цөмийн судалгааны байгууллагын эрдэмтэд газар дор асар том тоосонцрын хурдасгуур ашиглан уг тоосонцрыг илрүүлсэн байна.