Франц сурагчид монгол гэрт хичээллэж байна

Францын "Босигем" дунд сургуулийн сурагчид монгол гэрт хичээллэх болжээ. Энэ сургуульд зургаадугаар ангийн шинэ бүлэг нээх шаардлагатай болсон ч сургуулийн байранд зай талбайн хувьд шинэ анги танхим нээх боломжгүй учраас монгол гэрт хичээллүүлэх санаа төрсөн байна. Тус анги нь 63 метр квадрат талбайтай, модон шалтай аж. Энэ гэрт нарны гэрэл сайн тусдаг тул "Босигем" дунд сургуулийн захирал тун сэтгэл ханамжтай байгаагаа хэвлэлийнхэнд хэлжээ. Монгол гэр 70.000 еврогийн өртөгтэй боссон байна. Энэ ангид нийт 20 сурагч хичээллэх аж.