Франц Улсын Элчин сайдыг хүлээн авч уулзлаа

ССАЖ-ын сайд Ц.Оюунгэрэл Франц Улсаас Монгол Улсад суугаа элчин сайд ноён Ив Дэлунэ болон хоёр орны Соёл хамтын ажиллагаа эрхэлсэн зөвлөх ноён Жан Флор нарыг хүлээн авч уулзлаа. Ирэх онд манай хоёр улсын дипломат харилцаа тогтоосны 50 жилийн ой тохиох гэж байгаа билээ. Энэхүү ойн хүрээнд хоёр орны архелогчдын хамтран судалсан олдворуудаар Парис хотноо үзэсгэлэн зохион байгуулахаар тохиролцлоо. Түүнчлэн хоёр орны уламжлалт харилцааг өргөжүүлэн хамтран ажиллах зэрэг асуудлаар санал солилцсон юм.