Франц улсын гадаад хэргийн сайд Монгол улсад айлчилна

Франц улсын Гадаад хэргийн сайд Монголд улсад удахгүй айлчилна. үүнтэй холбогдуулан өчигдөр болж өнгөрсөн Засгийн газрын ээлжит бус хуралдаанаар Бүгд Найрамдах Франц улсын Гадаад хэргийн сайд Лоран Фабиусын Монгол Улсад хийх албан ёсны айлчлалын үеэр Монголын талаас баримтлах удирдамжийн төслийг хэлэлцээд Ерөнхий сайдаар батлуулахаар тогтлоо. Айлчлалын үеэр Монгол, Францын харилцаа, хамтын ажиллагаанд үнэлэлт дүгнэлт өгч, улс төрийн яриа хэлэлцээг тогтмолжуулах, эдийн засаг, худалдаа, хөрөнгө оруулалт болон бусад салбарт хамтын ажиллагааг идэвхжүүлэх санал тавьж, зөвлөлдөх зорилго тавьж байна.