Франц улсын иргэн хилээр 999 сорьцтой алт авч гарахыг завджээ

Энэ сарын 08-ны өдөр Франц улсын иргэн Т.M Улаанбаатар-Бээжингийн чиглэлд онгоцоор зорчин явах гэж байхдаа 999 сорьцтой 8 ширхэг /алт гэх/ эд зүйлийг хилээр авч гарахаар завджээ.

Тэрбээр гар тээш болон зөөврийн компютерийн цүнхэндээ дээрх зүйлийг тараан хийсэн байна. Гаальд мэдүүлэлгүй улсын хилээр гарах гэж байсныг гаалийн байгууллага илрүүлэн шалгаж байна.