Г.Алтанбагана эхний тойрогтоо ялагдлаа
Манай улсаас жүдо бөхийн эрэгтэйчүүдийн -90 кг жинд 2018 оны Индонез Улсын Жакарта хотод зохиогдсон XVIII азийн наадмын мөнгөн медаль, 2016 оны Швейцарийн Устер хотод зохиогдсон цэргийн дэлхийн аваргын алтан медальт Зэвсэгт хүчний "Алдар" спорт хороо, "Хангай" констрашнийн бөх Гантулгын Алтанбагана,
Мэдээллийн алба
Жүдо бөхийн эрэгтэйчүүдийн 90 кг- зодоглосон Монголын бөх Г.Алтанбагана эхний барилдаанаа хийлээ. Түүний хувьд сугалаа хүндхэн таарч, дэлхийн хошой аварга испани бөх Николос Шеразадишвилитэй эхний даваанд барилдав. Энэ олимпод түрүүлэх гэж ногт ганзагалаж ирсэн аваргатай манай бөх тун сайн барилдаж, үндсэн цагт хэн хэнээсээ үнэлгээ салгаж чадаагүй. Улмаар нэмэлт цагт испани бөх Алтанбаганыг мордох мэхээр ялж, шөвгийн 16-д шалгарлаа. Тэрбээр энэ жил дэлхийн аварга болохдоо манай бөхийг ялсан, энэ удаа ч дахин давж, олимпоо цааш үргэлжлүүлэхээр болж байна. Алтанбаганын хувьд энэ жил ДАШТ-д медалийн төлөө барилдаж тун өнгөлөг байсан ч ийн эхний тойргоос хасагдлаа. Сугалаа арай сул байсан бол цааш явах бүрэн боломжтой байв.Эмэгтэйчүүдийн 70 кг-д Монголоос бөх байхгүй тул өнөөдрийн хувьд жүдочдын өрсөлдөөн ийн дуусч байна.
