Г.Баярсайхан гишүүн хүүхдүүдэд чацарганы шүүс өгчээ

УИХ-ын гишүүн, Байгаль орчин, Хүнс хөдөө аж ахуйн байнгын хорооны дарга Г.Баярсайхан өнөөдөр Чингэлтэй дүүргийн нийт 23 цэцэрлэгийн хүүхэд багачуудад 100 хувийн цэвэр чацарганы шүүсийг хүлээлгэн өглөө.

Хүүхдүүдийн дархлааг сэргээх, витаминжуулах аяны хүрээнд нэг тонн чацарганы шүүсийг хүүхдүүдэд бэлэглэх үеэрээ УИХ-ын гишүүн Г.Баярсайхан “Хаврын урт өдрүүдэд хүүхэд багачууд хатгаа, ханиаднаас сэргийлэх, дархлаа сайжруулахад чацарганы шүүс амин дэмтэй. Хүүхэд багачууд хамгийн чухал амин дэмүүдийг чацарганаас авч болдог. Тиймээс тэдний эрүүл мэндэд хамгийн хэрэгцээтэй хүнс юм” гэлээ. Шүүсийг 23 цэцэрлэгийн багш, эрхлэгч, нярав, эмч нарт хүлээлгэн өгчээ.