Г.Ган-Эрдэнэ, А.Ичинноров нар башёг амжилттай эхлүүллээ

Японы мэргэжлийн сүмо бөхийн хацү башёгийн хоёр дахь өдрийн барилдаан Токио хотын Рёогокү Кокүгикан ордонд үргэлжилж байна.

Цар тахлын улмаас 5000 үзэгчийг л ордонд орохыг зөвшөөрч буй энэ удаагийн башёд их аварга Хакүхо М.Даваажаргал, Какүрюү М.Ананд нар бэртэл гэмтэл, “Covid-19”-ийн улмаас өнжиж байгаа билээ.

Иймд сэкивакэ Тэрүнофүжи Г.Ган-Эрдэнэ, Ичиножо А.Ичинноров нарын зэрэг бөхийг түрүүлэх болов уу хэмээн Монголчууд найдаж байна.

Г.Ган-Эрдэнийн хувьд маэгаширагийн гуравт эрэмбэтэй Котошохог, А.Ичинноров маэгаширагийн 12-т эрэмбэтэй Тэрүцүёошиг тус тус давж, башёг амжилттай эхлүүллээ.