Г.Отгон: Монгол наадам бол үндэсний соёлын дархлаа, тусгаар тогтнолын бэлгэдэл юм

Үндэсний их баяр наадмыг 40 гаруй жил хөтөлж, Монголын ард түмэнд дуу хоолойгоо хоногшуулсан МУСГЗ нэвтрүүлэгч Г.Отгоныг бид "Цагийн хүрд" хөтөлбөртөө онцолж байна.

Хэдийгээр бид энэ жил айл саахалт, ах дүү олноороо цуглан наадаж чадаагүй хэдий ч эрүүл явах юм бол улсын наадам үзнэ хэмээх үгийг бодон бэлгэдэж сууна гэж нэвтрүүлэгч Г.Отгон ярьж байна.

Өв соёлоо тээсэн монгол наадам бол бидний ондоошил, хамгийн том бахархал, үндэсний зан заншлаа гэсэн эрхэм сэтгэлийг монгол хүн бүр цээжиндээ баринтаглаж явах учиртай гэж тэрбээр захиж байна.