Г.Цогтгэрэл тавдугаар байрт шалгарлаа

Бразилийн Рио-Де-Жанейро хотноо болж буй зуны XV паралимпийн наадамд эх орноо төлөөлөн оролцсон манай тамирчин бөөрөнцөг түлхэлтийн эмэгтэйчүүдийн F57 буюу тэргэнцэртэй суугаа төрөлд тавдугаар байрт шалгарлаа. Г.Цогтгэрэл нийт 8 метр 59 см түлхэж, энэхүү амжилтыг үзүүлсэн байна.

Бөөрөнцөг түлхэлтийн эмэгтэйчүүдийн F57 буюу тэргэнцэртэй суугаа төрөлд нийт 12 тамирчин өрсөлдлөө.

Г.Цогтгэрэлийн хувьд “Бээжин-2016” Азийн паралимпийн гран при, “Дубай-2016” Азийн далайн орнуудын АШТ-ий мөнгөн медальтай тамирчин юм. Тэрбээр энэ сарын 15-нд зээрэнцэг шидэлтээр дахин өрсөлдөнө.