Гал сөнөөгчийн хувцас хатаах төхөөрөмж хийлээ

Завхан аймгийн Онцгой байдлын газрын Тосонцэнгэл сум дахь Онцгой байдлын хэлтсийн Гал түймэр унтраах, аврах 39 дүгээр ангийн салааны захирагч, дэслэгч Г.Амартүвшин захирагчтай 4 дүгээр салааны алба хаагчид гал сөнөөгчийн хувцас хатаах тусгай зориулалтын төхөөрөмж хийлээ.

Тус хатаагч төхөөрөмж нь 4 метрийн урттай, 40х40 см2 өргөнтэй, 220вт-аар ажилладаг. Мөн хоёр сэнстэй дөрвөн ширхэг хоолойгоор халуунаар үлээж 30-40 минутанд дөрвөн ширхэг гал сөнөөгчийн хувцсыг хатаах хүчин чадалтай юм гэж Завхан аймгийн Онцгой байдлын газраас мэдээллээ.