Гал түймрийг шуурхай унтрааж, эрсдэлээс урьдчилан сэргийллээ
Хуурайшилт ихтэй энэ цаг үед шар өвс болон ой, хээрийн түймэр гарах эрсдэл өндөр байдаг. Иймд иргэд гал, чүдэнз, цог, үнс нурмыг бүрэн унтраах, ой хээрийн газар ил задгай гал түлэхгүй байж болзошгүй эрсдэлээс урьдчилан сэргийлэхийг анхааруулж байна.
Мэдээллийн алба
Өчигдөр буюу энэ сарын 22-ны 15:00 цагийн орчим иргэн Б хашааныхаа өнжмөл шар өвсийг шатааж байгаад гал алдсанаас болж жижиг байшин нь шатаж, хөрш айлынх нь хашаа шатах аюулд хүрчээ.
Хонхор дахь хяналтын цэгт үүрэг гүйцэтгэж байсан Нийтийн хэв журам хамгаалах, олон нийтийн аюулгүй байдлыг хангах албаны Хүрээлэн буй орчны хяналтын хэлтсийн цагдаа, цагдаагийн ахлах ахлагч Г.Оюунбат, цагдаа зохицуулагч, цагдаагийн ахлах ахлагч Б.Азбаяр нар хувингаар ус зөөн цацаж галыг түргэн, шуурхай унтраажээ.
Хуурайшилт ихтэй энэ цаг үед шар өвс болон ой, хээрийн түймэр гарах эрсдэл өндөр байдаг. Иймд иргэд гал, чүдэнз, цог, үнс нурмыг бүрэн унтраах, ой хээрийн газар ил задгай гал түлэхгүй байж болзошгүй эрсдэлээс урьдчилан сэргийлэхийг анхааруулж байна.
