Гал, усны аюул гамшгаас урьдчилан сэргийлье

Хаврын урин цаг ирсэн энэ үед хэлж ирдэггүй, хийсч ирдэг гал, усны аюул ихээхэн гарсаар байна. Сонор сэрэмжгүй байдлаасаа болж амьдарч байгаа орон байр, мал хөрөнгө нь гал түймрийн аюулд өртсөн олон жишээг дурдаж болно.

Сүхбаатар дүүргийн цагдаагийн 2-р хэлтсийн нутаг дэвсгэр Шарга морьтын аманд айл шатаж 27 настай иргэн Ц амь насаа алдсан. Мөн өнгөрсөн долоо хоногийн баасан гарагт 2,6,10 настай гурван хүүхдээ цоожилсны улмаас гал гарч амь насаа алдсан, машиндаа хуванцар саванд бензин хийж тээвэрлэж яваад гал алдсаны улмаас 70 хувийн түлэгдлээс болж амь насаа алдсан гээд олон арван гашуун баримт ар араасаа цуварсаар байгаа юм.

Иргэд та бүхэн сум орон нутагт төдийгүй ард иргэдийн ахуйн байдлаас үүдсэн галын аюулаас, шар усны үерээс сэрэмж авч, анхаарал болгоомжтой байхыг Цагдаагийн байгууллагаас анхааруулж байна.