Галаас дөрвөн иргэнийг аварчээ

Өнөөдөр Сонгинохайрхан дүүргийн 27 дугаар хороонд байрлах “21 худалдааны төв”-д гал гарсныг Онцгой байдлын газрын Аврах гал унтраах 26 дугаар ангийн 56 албан хаагч шуурхай ажиллаж бүрэн унтраасан байна. Гал түймрийн улмаас таван давхарт гацсан байсан дөрвөн иргэнийг автомат шат ашиглан буулгаж эмчийн хяналтад хүлээлгэн өгчээ. Галын улмаас бэртэж гэмтсэн хүн байхгүй бөгөөд одоогоор гал түймэр бүрэн унтарсан байна.