Галд өртөж амиа алдлаа

Өнгөрсөн шөнө нийслэлийн Онцгой байдлын газарт объектын гал түймрийн долоо, мөнгөн устай холбоотой нэг, зам тээврийн ослын нэг дуудлага ирж Нийслэлийн аврах анги, дүүргүүдийн Онцгой байдлын хэлтсийн Аврах, гал унтраах ангийн бүрэлдэхүүн шуурхай арга хэмжээ авч ажиллажээ.

Налайх дүүргийн VII хороо, Өвөр шандын гудамжинд айл шатаж аврах, гал унтраах 28 дугаар анги ажиллаж галыг унтраасан ч 40 настай, эрэгтэй амиа алдсан харамсалтай хэрэг гарсан байна. Мөн Баянзүрх дүүргийн XIX хороо, Зүүн алтан өлгий, тус дүүргийн IV хороо, Цэргийн хотхоны гудамжинд гэр шатаж байна гэсэн дуудлагын дагуу гал сөнөөгчид очиж галыг унтраажээ.