Галт тэрэг автомашинтай мөргөлджээ

Зүүн Хятадын Фужиан мужид энэ сарын 2-нд галт тэрэг, автомашинтай мөргөлдсөн байна. Ослын улмаас хүний амь нас эрсдээгүй бөгөөд машинд сууж явсан хоёр хүн бэртсэн аж. Галт тэрэгний жолооч 20 метрийн зайнаас зогсоох оролдлого хийсэн нь ийнхүү томоохон осол гарахаас сэргийлсэн талаар орон нутгийн хэвлэлд мэдээлсэн байна. Одоогоор автомашин ямар учраас галт тэрэгний зам руу орсныг шалгаж байгаа ажээ.