“Ганга нуураа хамгаалъя” уран зургийн үзэсгэлэн дэлгэгдлээ

БОАЖЯ, Цэнгэг усны нөөц, байгаль хамгаалах төвөөс Ганга нуурыг сэргээж, унаган төрхийг нь хадгалан хамгаалах зорилгоор явуулж буй ажлынхаа хүрээнд зохион байгуулж байгаа “Ганга нуураа хамгаалъя” уран зургийн үзэсгэлэн нээлтээ хийлээ.

Ганга нуурын ойр орчмын Холбоо, Зүүн Холбоо, Цагаан, Улаан тойром, Эрдэнэ, Сүмт, Хошмог зэрэг нуурууд ширгэсэн боон нуурыг тойрон нүүдэллэж, малаа тус нуураас ундаалдаг малчид иргэдийн зүй зохисгүй байдлаас уур амьсгалын өөрчлөлтийн нөлөөний үүдэлтэйгээр Ганга нуур ширгэж байгаа тул нуураа сэргээх арга хэмжээ авах, Ганга нуурын орчмын байгалийн унаган төрхийг хадгалан хамгаалах зорилгоор энэхүү үзэсгэлэнг зохион байгуулж байгаа аж.

Ганга нуурын усыг 21 булаг тэтгэн тэжээдэг бөгөөд тэдний гол амин судас нь Дагшин, Баян булаг, Оргихын булаг байдаг.