Гавьяат тамирчин М.Анхцэцэг ирэх арваннэгдүгээр сард Перуд болох ДАШТ-д орно

МҮОХ-ны тэргүүн дэд ерөнхийлөгч, “Токио-2020” олимпын наадмын Монголын багийн ахлагч Б.Баттүшиг хүндийг өргөлтийн тамирчин, олимпын IV байрын шагналт М.Анхцэцэгийг хүлээн авч уулзан хүндэтгэл үзүүллээ.

Уулзалтын үеэр МҮОХ-ны түнш “Скайтел” групп гавьяат тамирчин М.Анхцэцэгийг болон хүндийг өргөлтийн спортыг “Парис-2024” олимпын мөчлөгт дэмжин ажиллахаа илэрхийллээ. Мөн ирэх арваннэгдүгээр сард Перу улсын нийслэл Лима хотноо зохиогдох хүндийг өргөлтийн ДАШТ-д амжилттай оролцохыг хүсэн ерөөв.