Гавьяат тамирчин Ө.Дүүрэнбаяр Узбекистаны бөхөд өвдөг шороодож, тэмцээнээ дуусгалаа

“Токио-2020” олимпын наадмын эрэгтэйчүүдийн +100 кг-ын жинд хүч үзсэн Монгол Улсын гавьяат тамирчин Өлзийбаярын Дүүрэнбаяр Узбекистаны бөх Бекмурод Олтибоевт өвдөг шороодлоо.

Монгол Улсын начин Өлзийбаярын хүү Дүүрэнбаяр нь 2018 оны Азарбайжаны Баку хотод зохиогдсон дэлхийн аварга шалгаруулах тэмцээний хүрэл, Залуучуудын дэлхийн аваргын алт, мөнгө, Цэргийн дэлхийн аварга, 2014, 2018 оны азийн наадмын мөнгө, 2018 оны азийн аваргын хүрэл медальт Үндэсний шигшээ баг, Зэвсэгт хүчний "Алдар" спорт хорооны тамирчин юм.