Газар хөдлөлтийн чичирхийлэл иргэдэд мэдрэгджээ

Төв аймгийн Баянцогт сумын Даргиат багийн “Өлийн хөтөл” гэдэг газар сумын төвөөс зүүн урд зүгт 5 км-т долоодугаар сарын 18-ны өдрийн 23:47 цагт 4.6 магнитудын хүчтэй газар хөдлөлт болсон байна.

Тус аймгийн Онцгой байдлын газраар дамжуулан Баянцогт сумын Засаг даргын орлогч Н.Мөнхбаяр, Баянхангай сумын Засаг дарга Б.Отгон-Эрдэнэ, Аргалант сумын Засаг даргын Тамгын газрын дарга А.Нямсүрэн нараас тодруулга мэдээлэл авахад иргэдэд чичирхийлэл мэдрэгдсэн бөгөөд хохирол учраагүй тухай мэдээлсэн байна.