Газар өмчлөх асуудлыг дахин нягтлах хэрэгтэй гэж үзлээ

УИХ дахь МАХН-МҮАН-ын Шударга ёс эвслийн бүлгийн хуралдаан боллоо. Хуралдаанаар ирэх долоо хоногт байнгын хороо болон УИХ-ын нэгдсэн чуулганаар хэлэлцэх хэд хэдэн хуулийн талаарх байр сууриа нэгтгэсэн байна. Тухайлбал, бүлгийн гишүүд Газрын тухай хуулийн шинэчилсэн найруулгад газар эзэмших, ашиглах, өмчлөх зэрэг харилцааны асуудлыг авч хэлэлцсэн бөгөөд энэ дундаас газар өмчлүүлэх асуудлыг сайн нягтлах ёстой гэсэн дүгнэлтэд хүрсэн байна.