Гэмт хэргийн тоо өмнөх оны мөн үеийнхээс 14 хувиар өссөн байна

Энэ оны эхний хагас жилийн байдлаар халдварт өвчнөөр өвчлөгсдийн тоо өмнөх оныхоос буурсан бол гэмт хэргийн тоо өмнөх оны мөн үеийнхээс 14 хувиар өссөн байна.

Халдварт өвчнийг ангилаад үзвэл, салхин цэцэг, тэмбүүгээр халдварласан хүмүүсийн тоо өссөн боловч, вируст хепатит, гахайн хавдраар өвчилсөн хүний тоо эрс буурсан байгаа юм. Гэмт хэргийн хувьд өмчлөх эрхийн эсрэг гэмт хэрэг хамгийн их өссөн гэж Үндэсний статистикийн хорооны Мэдээлэл, сургалт, сурталчилгааны төвийн дарга Дэмбэрэл мэдээлж байна.