Гэрийн үйлчлэгчээ зодсон эмэгтэйг саатуулжээ

Гонконгийн цагдаа нар индонез гэрийн үйлчлэгчээ зодож дарамталж байсан эмэгтэйг баривчилжээ. Үйлчлэгчээ зодсон эмэгтэй Тайланд руу нисэхээр зэхэж байх үед нь саатуулсан байна. Гэрийн үйлчлэгч нь эзэндээ зодуулсан үеийнхээ зурагаа анх найздаа үзүүлж улмаар зураг нь Гонконгт ажиллаж амьдардаг индонез цагаачдын дунд тархаснаар шуугиан дэгдэж эхэлсэн юм. Гонконг дахь Индонезийн цагаач ажилчдын холбоо гэрийн үйлчлэгчээр ажиллаж байсан эмэгтэй 7 хоног бүр хүчирхийлэлд өртөж зодуулдаг байсныг баталж байгаа юм. Гонконг нийт 312 мянган цагаач ажилчинтай бөгөөд тэдний ихэнх нь Индонез, Филиппин улсын иргэд байна.