Германд томоохон террорист халдлагаас урьдчилан сэргийлж таслан зогсоож чаджээ

Германы хууль сахиулах байгууллагынхан Шверинд 19 настай Сирийн иргэнийг саатуулан хорьж томоохон террорист халдлага гарахаас урьдчилан сэргийлж таслан зогсоож чаджээ. Энэ тухай Тус улсын Дотоод Хэргийн сайд Томас де Мезьер мэдэгдсэн юм.

Сэжигтэн тэсрэх төхөөрөмж ашиглан томоохон халдлага үйлдэхээр зэхэж байсан байна. Үүний зэрэгцээ Германы дотоод хэргийн сайд тус улс дахь террорист аюулын түвшин өндөр хэвээрээ байгааг анхааруулсан байна.